Asics GEL LYTE V е модел кој на светскиот пазар се појави во 1993 година, но на свoето реиздание чекаше полни 20 години, така да во 2013 година повторно како Ретро издание сместен е во редовната понуда. Оваа година за сезоната есен/зима од спектарот на различни модели се издвоија две комбинации на боја GoreTex пакети.
Asics Gel-Lyte V G-TX “Gore Tex Pack” се два модели изработени од премиум материјали на мазна и полирана кожа, GoreTex постава, синтетички материјали и workboot врвки.
Gel Lyte V е карактеристична по горниот дел во форма на чорап без јазик кој во потполност го опфаќа стапалото и ја прави патиката многу удобна. Моделот припаѓал во групата на патики за трчање, а денес неговата намена е во lifestyle моделите со голем спектар на бои и комбинација на материјали.
Ѓонот на патиката, познатиот GEL систем, осмислен е на почетокот на 80-тите години, а претставува силиконска капсула исполнета со гел (желатинска течност). Сместени се во внатрешноста на средишниот дел на џонот на местата каде што има најмногу оптоварување, а на овој модел во делот на петата и прстите. Системот делува така што вертикалното оптоварување се пренесува во хоризонтала низ комори кои се шират и на тој начин делуваат како апсорбер, се со цел да се подобрат перформансите за намалување на оптоварувањето на зглобовите и елиминирање на заморот.
На овој модел средишниот дел на ѓонот направен е од многу лесен пенаст материјал SOLYTE што ги прави патиките многу удобни, а надворешниот дел на подлогата направен е од цврста гума и е поделен на два дела, па средината на ѓонот е слободна што овозможува додатна флексибилност на патиката.
Моделите главно се изработени од различни кожи, а обложениот GoreTex материјал овозможува топла и сува средина во текот на сезоната за која е наменет. Ако сте се навикнале на удобноста на Asics моделите, сега својата омилена силуета можете да ја носите и во ладни денови, а во комбинација со Crep Protect спрејот за заштита од вода и маснотија, моделот може да биде сосема сигурен партнер.
.jpg)