Легендарниот хип-хоп артист Kendrick Jeru Davis, познат како“Jeru The Damaja”, кој што важи за еден од основоположниците на овој популарен правец на музика, денеска ќе се дружи со своите фанови во Скопје. Неговите платиниумските изданија се сметаат за есенцијални хип хоп албуми кои заедно со Notorious B.I.G, Nas, 2Pac и Wu-Tang Clan имаат оставено траен белег во рап и хип хоп глобалната историја.
Jeru освен по неверојатните музички достигнувања во светот е познат и по неговиот стил на облекување, каде се истакнуваат неговите патики кои секогаш се Nike. Токму поради тоа легендарниот хип-хоп артист заедно со нашиот популарен DJ, Гоце Саф, ќе се дружат со своите фанови од 19:00 часот (среда) 30.03.2016 во BUZZ Sneaker Station продавницата во Скопје Сити Мол.
Сите присутни освен ретката можност за дружење со голема музичка светска ѕвезда ќе добијат подароци, автограми и да слушнат мислење од една легенда за snekaer културата. Jeru во нашиот главен град доаѓа заедно со Big Shug како дел од Gang Starr Foundation, кој што е колектив на хип-хоп аристи од источниот брег на САД и се смета за еден од највлијателните бендови на златната ера на хип-хоп музиката. Ова дружење е предвесник на она што ќе се случува на 31-ви март во Младинскиот Културен Центар во Скопје, концер на Gang Starr Foundation, кој што е дел од светската турнеја на популарната група.
Jeru the Damaja има повеќе од шест студиски албуми, безброј соработки со светски познати DJ-и, голем број на музички награди и соработки со добро познати издавачки куќи. Неговиот прв албум е влезен во 100-те најпознати и најинфлуентни албуми во хип-хоп историјата, како и неколку негови синглови кои се запечатени на глобалните топ листи до денес.
.jpg)